الإهداءات

   
العودة   شبكة ومُنتديات أبناء المقل > الأقــســـام الــعـــامــة > المُنتدى الإسلامي

   
المُنتدى الإسلامي قسم الإسلاميات ومدح الحبيب المصطفى صلى الله عليه وآله وسلم

إضافة رد
   
المنتدى المشاركات الجديدة ردود اليوم مشاهدة المشاركات المشاركة التالية
   
أدوات الموضوع إبحث في الموضوع طريقة عرض الموضوع
   
   
قديم 09-08-2012, 02:04 PM رقم المشاركة : 1
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


المنتدى : المُنتدى الإسلامي
افتراضي الشيخ علي ود حليب شيخ مُدَّاح الشايقية...

أحبتي الكرام... السلام عليكم ورحمة الله وبركاته...

كتب الأُستاذ حسن عثمان المحامي:

هو شيخ المداح علي ود حليب. ولد وعاش وتوفى بمنطقة المقل. وهو شايقي شلفابي. كان صديق لوالد حاج الماحي. أي يكون أكبر من حاج الماحي في المتوسط بربع قرن من السنين. وحاج الماحي مولود عام 1780م. لذلك يكون شيخ علي ود حليب من مواليد 1755م. كان تربالا فقط . واحد من أهل زمانه البسطاء . وقد عاصر من الشعراء حاج النقر العوضي . واحفاده في المقل ومنهم جاراب الكنيسة وجاراب الجابرية. من أحفاده الشاعر المادح الحاج ود الخليفة. يقوم الأن أولاد الجاراب بإنشاد مدائحه ويقوم حفيده الأستاذ / علي عثمان الشيخ بتحقيق ديوانه . قال:


وا شوقي على الماحي الزمانو عجيب

مولود في أم حطيب مات في المدينة غريب

****

نسبي الشلفابي وجدي المسمى حليب






رد مع اقتباس
   
   
قديم 09-08-2012, 02:08 PM رقم المشاركة : 2
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

وموضع قبره جوار هذه القُبب...








رد مع اقتباس
   
   
قديم 09-08-2012, 07:57 PM رقم المشاركة : 3
معلومات العضو
احمد وديحي
عضو مميز

إحصائية العضو






احمد وديحي غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

نسمع بي ود حليب ياسلام لو تدعمونا اكثر واكثر بمعلومات عنه ياابو الحسين







التوقيع

وفتــــــــرته قــــــــــاصد العنقــــريب
ســـــــــــــــــــرقن ربابتي بـــــنات نعش
رد مع اقتباس
   
   
قديم 09-08-2012, 11:14 PM رقم المشاركة : 4
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

اقتباس : المشاركة الأصلية كتبت بواسطة احمد وديحي [ مشاهدة المشاركة ]
نسمع بي ود حليب ياسلام لو تدعمونا اكثر واكثر بمعلومات عنه ياابو الحسين

يا هلا بيك أخي أحمد... وحقيقي الشيخ علي ود حليب يعتبر أحد أبرز مشاهير منطقة المقل بل المنطقة بأجمعها... وإليك هذه الكتابة كُنت قد نشرتها بأحد المنتديات الأسفيرية...
______________________

الإخوة الكرام... السلام عليكم ورحمة الله وبركاته...

أدعوكم في هذه الزاوية للتأمل في هذه القصيدة... من حيث المعنى والمضمون... فهي من قصائد الشاعر المادح علي ود حليب... انظروا إخوتي الكرام إلى قافية الجيم النادرة جداً في بحور الشعر العربي القديم والحديث... أُنظروا كيف طوَّعها هذا الشاعر ليأتي بهذه القصيدة...

قصتها إخوتي الكرام...

زماااااااان قالو الشعراء يتباروا يعني كان أنا شاعر في المقل وسمعت بي شاعر في حجر العسل ولة أُمدرمان... أسافر وأهاجر أمشي ليهو نتواقف أنا وياهو... يعني كانت منافسة عجيبة في الشعر وحتى في المديح النبوي... فقالو الشيخ علي ود حليب طبعاً كان في ساقتنا الفي المقل (قُصاد مساوي والكُنَيسة - حي الصفاء حالياً) وكان مع الترابلة يحفروا في (كُوديق) للساقي... قام جاء راجل من مُدَّاح الصعيد سِمِع بي الشيخ علي ود حليب جاهو من الصعيد عشان يواقفو (في شكل مُبارزة شعرية)... فقالو جاء وسأل منو قالو لو فوق الساقي يحفرولُم في كوديق... فالمادح نزل تحت لقاهو آخر واحد من علي البحر من شدة تواضعو وهمتو مع الناس... فقالو وقف فوق قيف البحر وقال ليهم وينو علي ود حليب... قالولو يي دة... فقالو الراجل الضيف بس قال كلمة (قَج) لإختيار أصعب قافية في بحور الشعر العربي...

فسبحان الله شاعرنا علي ود حليب فوق بحرو دا...

قال...

وااااشوقي علي طيبة اُم نخيلاً قج

نعمة الزار حبيبو ووافى يوم الحج

وواصل في هذه القصيدة... الراجل قالو من شدة الدهشة سكت ساااااكت بدون أي كلام... ضيفوهو التلاتة يوم ورجع بدون أي مبارزة شعرية ومن غير ما يوري إنو هو جايي لي شنو لكن طبعاً أمرو معروف لأنه هو أيضاً من المُداح بتاعين الصعيد...

وإليكم إخوتي الكرام القصيدة كاملة لتتأملو جمالها وتحليلها التحليل اليليق بيها...

واشوقي علي طيبة اُم نخيلاً قَج
نِعمة الزار حبيبو ووافى يوم الحج...

بسم الله بادي القول بتلهَّج...
بالرفع السماوات ما معاهو اركَجْ...
جبار الكسير الناقص الأعرج...
إن حاسب وإن عفانا ما عليهو حرج...

ثنيت بالعرج ناجى وأتى متوَّج...
ما لِبس الحرير العالي ما اتخَوَّج...
لي مال الإلوف ما رِكِب وجوج..
أرباباً عدِل لا جار ولا اتعوَّج...

من يوم ما وُضِع لينا الهموم فرَّج...
طاح صنم النجوس إتساقط إنْدَهَّج...
شاع طلع الخبر والوادي كُلو اتْخَج...
وخلى ولاد قريش ممغوسة تتبَعَّج...

مربوعاً جميل وجهو الحسين يبهج...
بدراً في ظلام الليل بان لجلج...
كيف غُرر الكنار مايقو الكحيل وادعج...
برَّاق الثنايا الناير الأفلج...

وصفك غلَّب الفاني العليك لهَّج...
ونورك خافي لي ضي الصباح الفَج...
جودك وابل القبلة ام سحاباً مجْ...
وكفَّك يخمُد النار اُم حموياً وَجْ...

جبريل ساق محمد ناجا ربو عرج...
طرفة عين مِتِل لمح البروق واروج...
في الجنة الحسان شارفالُو تتفرَّج...
فراحة يزَغْرِدِن لي سيد مقام الحج...

أب جهل التعيس رايو البليد وادلج...
لامِن مات طريقو المايل الأعوج...
يوم في النوُق يعالج ما عِرف مخرَج...
زي تيس الغنيم الهامل الأصنج...

شد الليث علي الضرغام صميم وأبلج...
فوق ميمونو شال خلَّ الأرض تِتْرج...
شارفات خيل مخارج منو تِتْلاوج..
شافو الفارس اب سيفاً يقلِّم سج...

بولاد الحديد الصافي مو مدبْلج...
يدخل عُوق دريس جنب طاستو تتبالج..
حين أذَّن بلال جاب الشريف ألهج...
نسوان النجوس الحاملة تتزالج...

يوم روَّح لزينب جابها في الهودج...
قال للكافرين شوت واحد اتخمَّج...
في اولاد النجوس أسد الله كم دمَّج...
راقدين في المحاص وارمين تقول عنبج...

من شدَّ الكناني الزارق الأدرج...
مراً بالركوب ومراً يتَكْرِن دَج...
بالليل والنهار باري القطار ينهج...
فوق قيف القصير ختَّ الحمول بلَّج...

جات ام دير هناك مال الفلوس خرَّج...
قال رصو العِداد رُبَّانا ما عاوج...
تَقْمُز في مشيها السعي تتماجج...
مشتاقين نزور سيد ام نخيلاً قج...

قال ليك ود حليب قافِي العليك لهَّج...
الخير في حِماك يا البيكا نِتْحَجَّج...
قطِّعني الصراط يا واسط المخرج...
قول أبشر جزاك في الحور وتمشي الفج...

صلى الله علي اْبْ مايقاً كحيل وادعج...
بي عدد الأرِض قيزان رمال ورتَجْ...
ما قام النبات قارسيق وقام علَّج...
وما روى في الشراب وشال العُشَر نبَّج...

وصلى اللهم وبارك على سيدنا محمد وعلى آله وصحبه وسلم .

ورحم الله الشيخ المادح علي ود حليب وأسكنه الجنة مع الأبرار






رد مع اقتباس
   
   
قديم 09-08-2012, 11:21 PM رقم المشاركة : 5
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي



إحدى روائع شيخنا علي ود حليب...

واشوقي علي الماحي الزمانو عجيب...






رد مع اقتباس
   
   
قديم 09-12-2012, 10:00 AM رقم المشاركة : 6
معلومات العضو
أبو مبارك
عضو جديد

إحصائية العضو






أبو مبارك غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

أحسنت أخي جمال على هذا التوثيق الطيب ونأمل المزيد ... جنس الكلام ده ماقعد نشبع منو ... واصل الله يديك العافي ...







رد مع اقتباس
   
   
قديم 09-12-2012, 01:33 PM رقم المشاركة : 7
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

اقتباس : المشاركة الأصلية كتبت بواسطة أبو مبارك [ مشاهدة المشاركة ] أحسنت أخي جمال على هذا التوثيق الطيب ونأمل المزيد ... جنس الكلام ده ماقعد نشبع منو ... واصل الله يديك العافي ...

تسلم حبيبنا الحُسين عثمان...

وحقيقي شيخنا علي ود حليب من أميز مداح الحبيب صلى الله عليه وآله وسلم...

وأهدِك مدحة شوقي لي جد الحسن... سيد الشام واليمن...

أداء أولاد الشيخ علي ود حليب (الجابرية)...

[youtube]






رد مع اقتباس
   
   
قديم 09-16-2012, 01:47 PM رقم المشاركة : 8
معلومات العضو
أبو مبارك
عضو جديد

إحصائية العضو






أبو مبارك غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

اللهم صل عليك ياحبيب الله

شاشن الحور زغردن
للبشايرو من الله جن

عليك النبي شوف الكلام ده كيف ؟؟؟؟؟

يا سلام
يا سلام







رد مع اقتباس
   
   
قديم 12-04-2013, 11:37 AM رقم المشاركة : 9
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

كتب الأُستاذ عبد العزيز الننقة بموقع التوثيق الشامل:

تدشين ديوان ود حليب برعاية اروقه
السمؤال يكرم الباحثه فاطمه احمد علي واروقه تعدها باحتفائيه خاصه

(ولاد ود حليب) (ولاد حاج الماحي) (ولاد ود شبو) باتوري ومجموعته والالق وليلةٌ ولا كل الليالي
ــــــــــــــــــــــــــــــ
لا الربكة التي حدثت بسبب انقطاع الاضاءة عن مسجد الفنون الشعبية ولا الحاضرين الذين كاد عشقهم عند سماع المديح ان يسرب ارواح بعضهم نحو عوالم اخري منع الليلة كامل البهاء والالق وديمومة روعتها حتي تخوم ما بعد النهايات .
منذ بداية خطواتنا الاولي داخل دار الفنون الشعبية العتيق ذات العتاقة الموسومة بها بعض مؤسسات امدرمان القديمة كالمسجد والسجن ودار الخليفة وحتي مبني المحلية اللواتي لم يفقدن عتاقتهن رغم حداثة الطراز التي اصبغها عليهن بناة ومهندسي العصر الحديث ، واوائل الخطوات كان ميقات صلاة العشاء قد حان حسب توقيت المدينة العتيقة فتوجهنا ناحية المصلي الذي نحفظ مكانه والموقع وكان وصولنا مصادفاً لإنطلاق طرافة وسخرية شعبنا السوداني الانيق والمسجد لزاماً عليك ان تصلي وهو يسبح في الظلام رغم المراوح والتكييف الذي يلفحك من كل جانب .
ووسط الربكة الطريفة التي حصلت توجه الجمع منبسطين علي الاخر ويضحك كل فردٍ في الجماعة ويعلق مع من يعرف ومع من لا يعرف ولم ينقطع سيل الانبساط والسرور حتي بعد ان أُطفئت الانوار وقبل ان يزاح الستار ، كيف لا يكون الفرح عنواناً والمسرح يتوزع فوق ارضيته ثلاث مجموعات مادحين من اشهي ما يكون طرق الاداء ، فباتوري بمجموعته لم يمنعه مراعاة ابقاره في مزرعته شمال بحري الحضور وتشريف الليله ، وولاد حليب (المعتقين) جاؤوا باولادهم والاحفاد في سلسلة اجيالٍ يجمع بينها اكثر ما يجمع غير اللحم والدم هو هذه المحبة والذوبان في عشق مدح الحبيب المصطفي صلي الله عليه وسلم ، والمجموعة الثالثة كانت هي مجموعة اولاد حاج الماحي الذين اضفوا علي الليلة ألقاً كان سيكون بدونهم مساحةً خاليه ، وبين الحاضرين توزع (اولاد ود شبو) وتمايلهم وهزهم بشيراً فوق المادحين كان ينبئ ان هؤلاء ليسوا بشراً مثلي ومثل الاخرين ، وبين الكراسي تلحظ البروفيسر علي احمد محمد بابكر مدير مجمع اللغة العربية بالجامعة العربيه ، والفنان عمر احساس والشاعر الكبير محمد المهدي حامد والصحفي نجيب محمد علي واخرين اكثر اشتهاراً واكثر اكتناز محبةً وحباً لمدائح المصطفي خاتم الانبياء والمرسلين سيدنا محمد ابن عبد الله عليه افضل الصلاة والتسليم .
مدح اولاد ود حليب فحملوا كل الحاضرين لزمانٍ طالت حساب سنينه مثني العشرات والثلاث عقود ، وأعقبهم عمنا باتوري ليحلق بنا فوق ارضٍ لا نلحقها وسماءً نتلمس اطرافه ان مد في خيوط المحبة والعشق مدحتان اخريتان ، وكانت الحداثة والالق الشفيف مع اواسط احدث اجيال اولاد حاج الماحي مع عبد الله ومجموعته .. واجتمع الالق ، هز من هزّ ، وكادت المقاعد تتزحزح من تحتنا رهقاً اورثناها من طربنا وذوباننا الرهق الكثير .
وتحدث الاستاذ علي عثمان عن مؤسسة اروقه وعن المديح بصورةٍ عامه وكان حديثه عن علي ود حليب واهله في جزيرة مساوي حديث العارف اللصيق العالم الذي ابهر حتي اهل مساوي واحفاد ود حليب وفيهم من حضر من البلد خصيصاً لهذه المناسبه .. وأعقبه الحفيد الوحيد الحاضر لشيخنا المادح علي ود حليب الذي تحدث عن جده حديث القلب للقلب وشكر من تكبد مشاق الحضور ووجه جزيل شكره للباحثه الاستاذه فاطمه احمد علي عمر التي لولاها لما اجتمعنا هنا ولما عرفنا عنه كل هذا الذي كانت خشيتنا كبيرةٌ في ان نفقده ولا نجده ولا يجده من ياتي بعدنا .. غير ان الله سبحانه وتعالي قد سخر له وللاسرة من يقوم عنها ومعها بكل هذا الجهد الكبير .
شيخنا السمؤال خلف الله وجه قلادة شكر اروقه للشيخ المادح الكبير الراحل شيخنا عبد الرحيم البرعي في علياءه مترحماً علي الرجل الذي تحمل هذه الدورة اسمه والتي نال هذا الاختيار نسبةً لانه مؤسس وصاحب امتياز هذه الجائزة ولذا نال امتياز ان تحمل الدورة الاولي التي ترعاها رئاسة الجمهورية وبرعاية شركة سوداني اسمه غير ان آتي الدورات ستتوزع وستحمل كل دورةٍ اسم واحدٍ من عظماء المديح الذين يذخر بهم الماضي السوداني .. وقلادة شكره الثانية البسها باحثة الليلة فاطمه احمد علي محيّياً اياها ومشيداً وشاكراً ان صارت صاحبة الديوان الاول في سلسلةٍ تتراوح ما بين العشرتين والثلاث عشرات عنواناً لمادحٍ في السابقين والحاضرين واعداً باقامة احتفائيةٍ خاصه بالباحثه فاطمه سيعلن عنه في القريب العاجل .
وما بين تاكيد المنظمين علي ان كل الحاضرين حتي الرضيع سيحظي بنسخه من الديوان المحتفي به ، وانشغال الباحثة صاحبت الجهد وإستغراقها في المقابلات وتوقيع النسخ الاكرامية انقضت واحدةٌ من ليالي امدرمان الخالدة مفتتحةٌ بها مؤسسة اروقة سلسلة برامج المطبوعات ضمن جائزة الشيخ عبد الرحيم البرعي التي ستتختم مطالع شهري البداية في العام المقبل .







رد مع اقتباس
   
   
قديم 12-15-2013, 11:56 AM رقم المشاركة : 10
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

جانب من إحتفالات تدشين ديوان الشيخ علي ود حليب (رضي الله عنه)...






رد مع اقتباس
   
   
قديم 12-15-2013, 11:57 AM رقم المشاركة : 11
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي



أولاد ود حليب - أولاد حاج الماحي - أولاد الجاراب - أولاد ود شبو كانُو حضوراً جميلاً...






رد مع اقتباس
   
   
قديم 12-15-2013, 11:58 AM رقم المشاركة : 12
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

صاحبة العمل الجليل: الأُستاذة فاطمة أحمد علي (فتح الله عليها فتوح العارفين) وجزاها الله خير الجزاء لإخراجها هذا العمل الكبير...






رد مع اقتباس
   
   
قديم 12-15-2013, 11:58 AM رقم المشاركة : 13
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

لحظة التكريم...






رد مع اقتباس
   
   
قديم 12-15-2013, 11:58 AM رقم المشاركة : 14
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

جانب من الحضور الجميل...






رد مع اقتباس
   
   
قديم 12-15-2013, 11:59 AM رقم المشاركة : 15
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي








رد مع اقتباس
   
   
قديم 12-15-2013, 11:59 AM رقم المشاركة : 16
معلومات العضو
أبو الحُسين
عضو جديد

الصورة الرمزية أبو الحُسين

إحصائية العضو






أبو الحُسين غير متواجد حالياً

 


كاتب الموضوع : أبو الحُسين المنتدى : المُنتدى الإسلامي
افتراضي

أُستاذ التاريخ بمروي الثانوية علي عثمان الشيخ (له باع طويل في هذا العمل)...






رد مع اقتباس
   
إضافة رد


   
الذين يشاهدون محتوى الموضوع الآن : 1 ( الأعضاء 0 والزوار 1)
 
   

أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
vEhdaa 1.1 by NLP ©2009
تصميم الستايل علاء الفاتك    http://www.moonsat.net/vb
free counters